يادنيا ...

ساحرة وجذابة







بتطمعي الميسور وتجلبي غلابة







فيك الي يحب المال يقدر يخون امه مش بس اصحابه
















دنيا يا نصابة







بتزيني نفسك وتدخلي ف غابة







نلحق طمع فيك







نقع في فك ذيابة















دنيا يا دوارة







قاسية وغدارة







ياهل ترى صيدك بيكون بصنارة؟؟







ولا بيكون صيدك بغمز واشارة





















بتغرينا بمالك ،عيالنا و جمالك







بعنا الضمير والنفس







كله على شانك







ولما نتوغل







ترخي بنا حبالك





















بكل شكل ولون







عايزاني اسيب ديني







وابقى بيك مفتون















دنيا يا ظالماني







يتقص انا لساني لو قلت عنك يوم ان انت فاهماني







سوء ظن،شك ولوم وخلاف مع اخواني







وفراق لاعز الناس اليوم ورا الثاني















كفياني عتاب ولوم







انت كمان مظلومة







مش بس انا المظلوم







عمنا على عومك







وبعنا اخرتنا







في السوق بابخس سوم