السلام عليكم ورحمة الله
ازيكم ياقمرات
انا عملت الفطير وطلع جميل جدا زي بتاع الفطاطري
ياريت تجربوه وان شاء الله يعجبكم
نبدا بسم الله
اولا اهم حاجة في الفطير المشلتت عموما مدة عجن العجينة يعني لازم تقعدي
تعجني فيها كتير اوي لحد ما تبقي زي البانة في ايديك يعني بتمط ومتتقطعش
اولا:العجينة
نصف كيلو دقيق بيعملو فطرتيين صغيريين
ونحطط معلقة ملح صغيرة عليهم وماء لحد ماتتلم العجينة
ونعجن فيها حوالي 15 دقيقة بالعجان ولو بايديك 45 دقيقة
ونتركها ترتاح في بوله بها زيت اما نيجي نشدها متتقطعش بتبقي زي اللبانة بالظبط
نيجي بئه بعد ماترتاح حوالي ساعة نبدا نفردها علي زيت
وهنا بفرد فيها لحد ماتكون شفافة تشف اللي تحتها عشان تكون رقيقة
وبفرد عجينة اخري صغيرة واحطها فوق الكبيرة واحط عليها الحشو كالتالي
نيجي بئه للحشو
طماطم مكعبات وفلفل رومي وفلفل اسود وبيضة وجبنة رومي ولحمة مفرومة معصجة
نضع اللحمة مع جزء من الطماطم والفلفل الورمي علي العجينة المفرودة
ثم نقفلها زي الظرف وبندهن العجينة زيت مع سمنة قبل القفل
ثم ندخلها الفرن عشر دقائق لكل وجه
وبعد ذلك نضع البيضة علي الجبنة علي الفلفل علي الطماطم كله مع بعض ثم نضعهم علي وجه العجينة
ثم ندخلها الفرن مرة اخري ونشغل من فوق وتحت بس 5 دقايق فقط عشان متتحرقش من فوق
وتكون جاهزة بها الشكل
يارب تعجبكم
الرئيسية
دخول
