احلى تنسيق لالوااان الديكور والاثاث [ إهداء للغالية ][أوراق الورود]

احلى تنسيق لالوااان الديكور والاثاث

[size=21]الــــ س ــلام ع ــــليكم

كيفكم ياحلوين ان شاء الله تكونو في احسن حال
اخترت موضوع يكون دردوشي من الدرجة الأولى
نناقش فيه احوال الديكور وخصوصا تنسيق الالوان كم بيت دخلنا ولقينا ست البيت لاعبه في حسبته
وكم بيت دخلنا ولقينا ابداع ولمسات تدل على صاحبته
الموضوع مو سهل يحتاج مخيله ودراسة وبعد نظر
اذا دعوة لكم لطرح ارائكم وتعليقاتكم من خلال هالموضوع
في البداية حبيت اتطرق لموضوع الدمج
طبعا مو كل لونين اوثلاث يعجبوني احطهم جنب بعض واقول اخترعت صاروخ
نحتاج دقة لمعرفه النتيجة على كامل الديكور والألوان كثير والاختيارات متعددة

والشغله محتاجة بحث وتحري >>> يعني عادي لو تتحولين لكونان
اضاف الى ذلك الاستعانه بصديق قصدي اهل التخصص اذا كان عندك احد دارس تربية فنية
او حتى هندسة ديكور
مايمنع انو نتثقف ونتمعن في موضوع الالوان اللي ممكن يقلب عالمنا
اما مريح واما قلق واما مال امه داااعي
اخترت كم صورة تعبر عن دمج الالوان بطريقة سوفتي وحلوة وبنفس الوقت
تعطي انطباع راااائع وراقي تدووم وتدوووم وتدوووم >>> متأثرة باعلان فيري
هههههههه

هدوء ونظاااافه

مودرن مع تناسق رهيب للالوان

احلى نومة مااتوقع بها كوابيس ابدن

نفسي ابكي

نجي ندردش شوي عن بعض الالوان بالتفصيل
من الالوان اللي درجت الحين في الديكور وانا شفتها بأم عيني وابوها كمان
التفاحي والفستقي وتدرجاته خصوصا في البويه >> اللي هو لون الجدار

ممكن دمجة مع فوشي او زهري يعطي نتيجة رااااايقه ومبدعة
مع لمساااات انوثة

بس لي وقفات مع الصورة من حيث سوء اختيار الستاير
لان هالديزاين مايستخدم الا للمطبخ او غرفة المكتب او الغرف الضييييقه جدا
ومن وجهة نظري المتواضعه كانت الغرفة تحتاج الى ستاير عليها القيمة تعبي الفراغ الحاصل
وتكون بلووون غاااامق بالاضافة الى ان اللون فااااتح جدا فبين ان الغرفة فاضية
مافيها اثاث وهنا نقطة الضعف في الصورة

اللون حلو ويشرح النفس لكن استخدامة سلاح ذو حدين من حيث كسر
حده ووضوح اللون
يعني يحتاج لاثات يغطي من اشعاعاته طبعا بامكانك تستخدمية لكامل المنزل ماعليه محاذير
زي ما بنشوف ممكن لغرفة النوم

ممممم وين الخطأ!!!!!
اكيد بلون الانتريه او الكنب
يعني لاتختاري نفس درجة لون الجدار ابدا قطعا اطلاقا في الاثاث اللي
يغطي اكبر مساحة من الغرفة
وبالنسبة لهذي الدرجة من اللون لازم تكسرينها باللون الاسود او تدرجات البني الخشبي
في بعض الناس تحب اللون الاخضر العادي او الزيتي
وهنا احب اضيف لمعلوماتك انها تناسب غرفه المعيشة اكثر
يعني مومحبذ استخدامها في غرفة النوم او المطبخ
لانها تعطي طابع الغابات او الحديقة
اختاري الاخضر ودرجاته وادمجية مع الاحمر او الاورنج وماتنسي رتوش من الذهبي
وبكذا تحصلي على ديكور فخم وانيق

وللحديث بقيه .......

نكمــــــــــــ ل..

اللون الازرق وتدرجاته بالاضافة الى التركواز اللي يعتبر من تدراجات الاخضر
بس حشرته مع بارت الازرق لانه يتفق معاهم في خاصية وحده اللي هي
محدودية الدمج بمعنى الالوان اللي تدمجينها معاهم معروفة وواضحة مايحتاج

تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

من مميزاته في الديكور يعطي راحه للنظر والخاطر
كل درجة لها استخدامها في الاثاث
بالاضافة الى انها تناسب كل الاوقات والفصول

[size=25]نتكلم عن التركواز بما انه مايقربله

نلاحظ انه يعطي انطباع بالهدوء في غرفة النوم خصوصا
بس يحتاج لاثاث ناعم بنعومة اللون

وهنا مع الاورانج شي خيااااالي من الوهلة الاولى بس بعدين
العين ترمش من العوار

ماننسى هالدرجة حلوة وروعه وكووووشخة وكل شي بالعالم
وتقدرين تستخدمينها في غرفة الضيوف بكل اريحية >>> ارحميني ياذا التعبير
وماننسى غرفة النوووم

تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

اضافة الاصفر للازرق او السماوي ما يعطي نتايج حلوة
الاحلى يكون مع الليموني او البيج

وماننسى ان التحف والمراكن والمناظر كماليات تساهم في
دمج الالوان بطريقة حلوة اما اذا دمجتي الازرق ودرجاته كل ابوها مع البنك وبكثرة
فابشري بلوك باربي الدلوعه وبكذا تعطين ديزاين طفولي بحت
جايتكم في البارت اللي بعده مع الوان قاتلة

احمر يا احمريكا
اغلب البنات او الحريم او الاناث بشكل عام يحبو الاحمر
فيه جرئة وقوة بس احب اذكركم بالكلمه اللي قلت لكم لها فوق عازةاللي هي تدوووم <<< اش معناتها ياحلوين
معناها الاحمر حلو ويجنن وكل شي بس من الالوان اللي تتعب النظر زيها زي الاورنج والاصفر
كمان توحي بالحركة والحماس يعني ماتحتاجينها في غرفة النوم الا بشكل قليل جدا
كمان لازم تدمجينها مع الوان ثانية في غرفة الضيوف
ولا يحبذ استخدامها في غرفة المعيشة او المطبخ

تناسق فضيييع بين الالوان حلو بكل مافيه
بس السجادة محلها غلط

دمج الاحمر مع الوان ثانية يحتاج منك دراسة عميقه
ليش لانه لون قوي وحتما راح يغطي على اللون اللي بتدمجينه معاه
بالمختصر هو سي السيد يفرض نفسة بالقوة

اتخيل مع شويه صحون فسفوية وقدور صفرا
وكاسات فوشي ويصير بيت السنافر او الاقزام السبعة وراعية البيت تتمرجح بلوك سنوايت وتكون كملت الصورة

الحين نجي للاورنج و الأصفر

اغلب استخدامات اللون الاورنجي في الديزاين الخريفي
يعني اورنج مع مشمشي مع بني يمشون
لكن نرجع لحكايه بعد النظر وهي الملل من اللون وتأثيرة على العين

نشوف صور

نجي للوردي والبمبي والبنكي والى مالا نهايه

باختصار شديد ياحلوات لا تعتمدي اللون ذا على كامل الديكور
يعني خليه يدخل في الدمج بس بدون مايطغى على اللون الاساسي
الا في حالة وحدة بس وهي غرفة بنوته مراهقة طعمونه وحلوة وأمووورة

في هذي الغرفة الشكل مررررة مريح ويوحي بالنظافة والمثاليه
لكن تحسون ان فيه شي جدي بالموضوع طبعا لاااا
يحتاج لخداديات غامقة وستاير من العيار الثقيل و........ ماحنخلص
الناس اذواق طبعا بس احس ان هالغرفة مايجلس فيها الا بنات
وبس ممنوع دخول التماسيح

احلى لون ممكن تدمجينه مع الوردي هو وبلا منازع البني او الخمري الغامق

فااااصل ونواااااصل ............

اكيد عرفتو اللون ذا حبيب الرجل السعودي وفي الديكور
يعني اذا سلمتيه التنسيق
حول البيت الى دعايه للجالكسي
ماااادري اش السر
هو البيئة مأثرة عليه او الجو الصحراوي او ماني عارفه
المهم .... يعتبر اللون البني هو اللون الرسمي لاغلب المداخل وغرف الضيوف ويمكن غرفة السواق والشغالة
ليش ؟؟؟؟
لانه هو لون آآآمن بمعنى شيل وحط وانتهينا كثير من البيوت تلقين اللون البني فيها كثير
من تعتيق لكنب لسيراميك وهو زي ماقلت مايحتاج مجهود
وقرأت في احد مواقع للديكور ان له تأثير سلبي على طريقة التفكير والشعور بالروتين
نشوف صور ونكمل

تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

ماننسى ان له حلاوته وشكلة الخاص لكن يحتاج
الى دقة في اختيار التحف والمناظر
لان هو بنفسة منظر حلو

نتقابل في البارت الاخير .......

باااااااك لاحلى اعضاء

باختصار لون يجيب الاكتئاب والملل والعزلة
متى ؟؟؟؟
اذا كان طااااغي واستخدم مع الاسود
يعني اللون الموف ماينفع كلون كامل الا لمدخل او كورنر بسيط

تكبير الصورةتصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

واااااو حلووو مووووت بس مع الزمن راح تحسين انه بيت الاشباح
ياااااشين الفلسفة عاااد

نجي نشوف درجة من اللون الموف اقرب للنيلي او او لون البنفسج الفاااتح

هذي الدرجة صعب التعامل معاها لانها اصلا موحلوة
واذا استخدمت بشكل مبالغ فيه
فإنسي انك ترقعي الموضوع

ماعليه كلاااام رااااايق وحلو وبنفس الوقت انيق

هذي الدرجة راح رونقها واناقتها بسبب كثرة الابيض

ماعليه كلاااام رااااايق وحلو وبنفس الوقت انيق

كورنر يفصل بين غرفتين هنا الكلام السليم والاستخدام السليم للون

اقول روووووعه

[/size]
هذه الموضوع عبارة عن إهداء للأخت الطيبة والغالية أوراق الورد

» إهداء لطيفــك ________ بقلمي
» جمال الابيض و اللؤلؤي في الديكور مميز
» جمال الابيض و اللؤلؤي في الديكور مميز
» أسقي الورود بالماء// ولاتسقي النساء بالجفاء ,
» تعلمي التطريز بالشرائط.طريقة ورود بشرائط الساتان.طرزي كل انواع الورود